Miluwat og pamahayag ang Quirante Construction Corp. kalabot sa nagpadayon nga imbestigasyon bahin sa flood control projects. Giklaro sa kompanya nga lahi sila nga entity ug walay kalambigitan sa QM Builders bisan pa man nga paryente nila ang tag-iya niini.
Matod pa sa Quirante Construction, wala sila nalambigit sa mga giingong substandard nga proyekto ug sa mga ginatawag nga “ghost projects.” Gipunting nila nga nagbarug sila sa integridad ug kalidad sa ilang mga trabaho sukad pa sa pagsugod sa kompanya.
Nanawagan usab ang kompanya sa hustong due process sa imbestigasyon aron makita ang tinuod ug dili maapil ang mga kompanyang walay sala. Gilauman nila nga mahatagan og klaro nga resulta ang kasamtangang pagpangita og kamatuoran.
Gipadayag usab sa pamunuan sa Quirante Construction nga magpadayon sila sa pagtukod og luwas, lig-on, ug kasaligan nga mga imprastruktura nga makahatag og benepisyo sa publiko.
Sa katapusan, gipasalig sa kompanya nga ilang ipakita sa mga proyekto ang tinuod nga serbisyo ug pag-atiman sa katawhan na adunay integridad.
I via Renante Socia Lada