Nakatigom ug puno sa truck nga mga sinina, mga pagkaon ug ubang mga gamit isip hinabang alang sa mga nasunugan sa Sitio Paradise, Barangay Looc, Dakbayan sa Mandaue.
Ang maong donation drive gipasiugdahan sa pamilyang Chan sa Lapu-Lapu City.
Usbon ko, daghang salamat sa tanang migahin sa ilang mga extra clothes, mga pagkaon o uban pa nga gikinahanglan kaayu sa atong mga kaigsuonang nasunogan sa Mandaue City. Atong ihatod karong adlawa ang first batch sa mga hinabang kay dili gayud maato sa usa lang ka biyahian. Sa uban nga gusto pang moapas sa ilang gusto nga ipangdonate, palihug sa paghatod niini sa atong City Hall para makaapas sa second batch.
Daghang salamat Konsehal Jasmine “Daday” Chan, Justin Chan ug Orlan “OJ” Chan-Carungay sa inyung pag-initiate niining donation drive. (Jhon Tadlip, photo credits to the owner)