Cagayan de Oro: Mga sidewalk vendors gisugdan na pagplastar

0
1

Gisugdan na pagbalhin ang mokabat 699 ka sidewalk vendors sa bag-o nilang puwesto nga gitugot sa syudad subay sa kamandoan ni Mayor Rolando `Klarex’ Uy kagahapon, Huwebes Nob. 24, 2022.

Ang unang grupo nga gibalhin mao ang mamaligyaay og prutas, utanon, ug mga foodcart nga namaligya og balut, kwek-kwek, ug barbeque nga pulos na-profile ug naka-apil sa raffling.

Nasayran nga ang mga mamaligyaay sa prutas ug utanon diha gipahimutang sa dalan Osmeña, samtang ang foodcart anaa giplastar sa dalan Guillermo-JR Borja.

Naglaum ang Night Market Team sa pagpangulo ni Mayor Klarex nga mo-kooperar ang mga vendors ug mosunod sa balaod, ug gabayan nga gipatuman sa syudad kay alang man sa kaayohan sa tanan ang pagbalhin kanila.

Karong adlawa, Biyernes, ang mamaligyaay sa ukay-ukay, RTW, sapatos, food condiments, cellphone accessories, facemask, ug accessories ang ibalhin.

Ang pagbalhin sa maong mga vendors gilangkuban sa hiniusang puwersa sa City Economic Enterprises Department (CEED); Roads and Traffic Administration (RTA); City Disaster Risk Reduction Management Department (CDRRMD); Cagayan de Oro City Police Office (Cocpo); Police Station 2; City Legal Office, Office of the Building Official (OBO); City Engineering Office (CEO); City Local Environment and Natural Resources Office (Clenro); City Public Services Office (CPSO); City Social Welfare & Development Office (CSWD); barangay officials ug barangay tanods sa Barangay 32, 33, 34, 38, 39 & 28. (ALR/CIO/Photos by Jomar Figuracion & Reynan Baylin)

LEAVE A REPLY

Please enter your comment!
Please enter your name here