Gipasidunggan sa Medalya ng Kadakilaan (PNP Heroism Medal) si Patrolman Mark Gomer Amancio Ornopia nga namatay sa usa ka engkwentro batok sa armadong suspetsado sa Danao City, Cebu niadtong Hunyo 27, 2025. Gihatag ang maong medalya ngadto sa iyang kapikas sa kinabuhi atol sa pagbisita sa haya sa Tabogon, Cebu sa mga opisyal sa PNP ug NAPOLCOM.
Gihatod mismo ni PMGEN Constancio T. Chinayog Jr. ang medalya, kauban nila Presidential Management Staff Representative Jesmart Kent Embelino ug NAPOLCOM Vice Chair Atty. Alberto Calinisan. Nihatag usab sila og pinansyal nga tabang isip dugang suporta sa pamilya ni Ornopia.
Nasayran nga si Patrolman Ornopia ug usa ka sakop sa BJMP miresponde dayon sa insidente nga nahitabo human kuhaa sa usa ka suspetsado ang pusil sa guwardiya sa usa ka pawnshop. Nahitabo ang engkwentro nga miresulta sa kamatayon sa pulis ug pagkamatay usab sa suspetsado human nabawsan kini.
Gipadayag sa PRO7 Regional Director PBGEN Redrico Maranan ang ilang tibuok kasingkasing nga simpatya sa pamilya ni Ornopia. Sa Hulyo 30, personal niyang gihatod ang pinansyal nga ayuda ug giila ang kaisog niini ug pagsakripisyo sa kinabuhi.
Ang PNP padayon sa paghatag og dungog sa mga bayani nga pulis ug pag-ila sa ilang nabuhat nga dili makalimtan hangtod sa hangtod.
Source: PRO7
I via Renante Socia Lada