Cebu City – Nakatala ang lalawigan sa Sugbo ug mas taas nga voter turnout sa 2022 National and Local Elections.
Basi kini sa report sa Commission on Election (Comelec-Cebu)
Ang datus sa Comelec-Cebu nagpakita nga ang mga voter’s turnout sa usa sa mga vote-rich province miabot ug 87 porsiento.
Misaka kini ug sayes pontos kung itandi sa 80.51 porsento nga natala sa 2019 Midterm Elections.
Kini nagpasabot nga sa kinatibuk-ang 2,310,339 nga na rehistro gikan aa 51 ka localities sa lalawigan, 2,021,310 mi botar niadtong Lunes, Mayo 9.
Sa iyang bahin, si Atty. Jerome Brilantes, Comelec-Cebu Acting Elections Supervisor, mihangop sa maong kalamboan.
“Nalipay sad mi ingon ana ang kadako ang confidence sa atoa ug sa atong electoral process,” mensahi ni Brillantes.
“Siguro ang mga katawhan, they’re encouraged now to exercise their right to suffrage and we’re very happy with that nga dako-dako ang turnout,” dugang niini.
Midaug sila si incumbent Governor Gwendolyn Garcia ug Vice-Governor Hilario ‘Junjun’ Davide III sa ilang reelection vids.
Si Garcia naka kuha ug 1.4 million ka mga botos, samtang si Davide dunay 780, 000 ka mga botos. (Jhon Tadlip)
(Source: Comelec-Cebu, photos courtesy of Samboan DYKC Media Volunteer)