Naglutaw na wala nay kinabuhi ang usa ka tinun-an human nalumos sa kadagatan didto sa Barangay Kanyuko lungsod sa Dumanjug, probinsya sa Sugbo, kagahapon sa buntag, Oktobre 19, 2023.
Ang biktima giila sa Dumanjug Police Station nga mao si Roxanne Navarro Alfuerto 16 anyos ang panuigon, Grade 11, taga Barangay Dakit, lungsod sa Barili.
Sa inbestigasyon sa kapulisan nasayran nga napalgang sa usa ka mananagat ang biktima na wala nay kinabuhi nga nagluta-lutaw sa kadagatan sa naasoy nga lugar.
Una na kining gipangita sa mga ginikan lakip ang hinigugma niini kay nagtoo sila nga adunay dautang nahitabo.
Duda ang kapulisan nga niambak ang biktima sa dagat aron magpakamatay basi sa nahibaw-an sa mga ginikann niini nga aduna kini problema nga gidala labi na sa ilang pamilya.
Sa pagakakaron gihimo pa ang dugang inbestigasyon may labot sa kamatayon sa usa ka tinun-an sa probinsya sa Sugbo. (Renante Lada, photo credits to the owner)