Ang Kagamhanan sa Probinsiya sa Bohol, pinangulohan ni Gobernador Erico Aristotle Aumentado, nideklarar og dengue outbreak nunot sa dakong pagsaka sa mga kaso sa dengue sa probinsya.
Gikan sa Enero hangtod Agosto 24, 2024 niabot ngadto sa 5,834 ka mga kaso sa dengue ang natala diin 14 niini ang namatay ang natala—usa ka 451.4% nga pagtaas gikan sa miaging tuig nga 971 ka mga kaso.
Ang Executive Order No. 34 giluwatan human girekomenda sa Provincial Anti-Dengue Task Force (PADTF) ang deklarasyon. Daghang mga lungsod, lakip ang Tagbilaran City, Talibon, ug Trinidad, milabaw sa epidemya threshold. Agig tubag, ang gobyerno migahin ug ₱5.3 milyones alang sa IV fluids, testing kits, ug mga higdaanan alang sa mga provincial hospitals.
Gipirmahan usab ni Gobernador Aumentado ang Executive Order No. 33, nga nagporma og task force nga manguna sa mga paningkamot sa pagpugong sa dengue, nga gipangulohan ni Provincial Health Officer Dr. Cesar Tomas Lopez.
Ang mga local government units (LGUs) karon gilauman nga mo-aktibo pag-usab sa mga task force ug mopatuman sa 4S nga estratehiya—Search and Destroy, Self-protection, Seek Early Consultation, ug Support Fogging—aron masumpo ang outbreak ug mapanalipdan ang panglawas sa publiko. (Renante Lada)
(Source: Bohol Provincial Government)