Nikalas og usa ka kinabuhi og niangol og lima ka mga tripulante ang nahitabong pagpamusil sa usa ka dakong panagatan didto sa Tanguiggue Islet, Brgy. Poblacion, lungsod sa Madridejos, isla sa Bantayan, Sugbo, pasado alas 5:00 sa buntag Septembre 4, 2024.
Ang nakalas giila sa Madridejos Police Station na mao si Rex Dela Cruz, 45 anyos ang panuigon, taga Barangay 9, dakbayan sa Victorias, Negros Occidental.
Sa gihimo nga imbestigasayon sa PCG ug sa kapulisan nasayran nga samtang nanagat ang mga biktima sa maong lugar kalit kini gipang rak-rakan sa wala matino nga matang sa armas nga ni resulta sa kamatayon ni Dela Cruz ug pagkaangol sa mga kaubanan niini.
Mahinomduman nga niadtong tuig 2017 adunay nahitabong pagpamusil usab sa mga mananagat sa maong isla nga binuhatan sa mga pirata.
Sa pagakakaron padayon pa ang imbestigasyon aron pagsuta kung si kinsa ang mga responsabli niini. (Renante Lada and Ting Joe Pepito)