Mibisita si PRO7 Acting Regional Director PBGEN Arnold Evangelista Abad sa Cebu Police Provincial Office (Cebu PPO) niadtong Mayo 21, 2026 aron palig-onon pa ang kaandam ug operasyon sa kapulisan sa Central Visayas.
Atol sa iyang official command visit, nakigpulong si PBGEN Abad sa mga opisyal sa Cebu PPO nga gipangulohan ni Provincial Director PCOL Abubakar Udang Mangelen Jr. Gisusi nila ang kasamtangang mga programa ug operasyon nga nagtumong sa pagmintinar sa kalinaw ug kahapsay sa probinsya sa Sugbo.
Kabahin usab sa kalihokan ang turnover sa mga assets, ICT equipment, ug usa ka patrol vehicle aron mas mapalambo ang komunikasyon, paglihok, ug kaandam sa mga pulis sa pagtubag sa mga insidente ug uban pang kabalaka sa publiko.
Gipangulohan usab ni PBGEN Abad ang blessing sa Kaagapay 1996 ug Buklod-Diwa 2001 Gym nga nagtumong sa pag-atiman sa kahimsog ug kaayohan sa mga police personnel. Ang mga gym equipment gidonar pinaagi sa suporta sa Provincial Advisory Group for Police Transformation and Development ubos sa pagpangulo ni Engr. Julieto N. Flores.
Sumala sa PRO7, kabahin kini sa padayon nilang paningkamot nga masiguro nga andam, kompleto sa kagamitan, ug episyente ang mga police unit sa rehiyon sa paghatag og serbisyo sa komunidad ubos sa kampanya nga “Serbisyong Nagkakaisa.”
📸 PRO7
I via Renante Socia Lada