Dakong kalampusan sa kampanya batok sa ilegal nga paghimo ug pagpanag-iya og armas ang nakab-ot sa rehiyon sa Central Visayas human ang mga opisyal sa Barangay Masaba, Danao City, misurender sa nagkadaiyang kagamitan sa paghimo og pusil sa mga sakop sa 701st Maneuver Company sa Regional Mobile Force Battalion 7 (RMFB7).
Gipahigayon ang turnover alas 8:30 sa gabii, Mayo 30, 2025, uban sa suporta ug koordinasyon sa Danao City Police Station sa ilawom sa Cebu Police Provincial Office (CPPO).
Mga nasakmit nga gamit: 2 ka bench drill press,13 ka bench vises, 15 ka hacksaws, 82 ka steel files, ug 4 ka gun pattern/frames.
Gisaysay sa otoridad nga ang mga kagamitan boluntaryong gisurender sa usa ka nagpakabana nga residente nga nangayo og proteksyon, kalabot sa gipadayon nga operasyon aron mapugngan ang pagkaylap sa mga pusil nga walay legal nga papeles.
“Each piece of equipment turned over represents a life potentially saved from gun violence. The relentless efforts of our personnel to root out sources of illegal firearms reflect our unwavering commitment to maintaining peace and security in Central Visayas. Our goal remains clear — zero gun-related crimes in the region, “segon ni PBGen Maranan.
Gidasig sa kapulisan ang uban pa nga adunay ilegal nga armas o kagamitan nga mosurender kini sa kapulisan, nga mopatuman og patas ug hustong proseso alang sa tanang misuporta sa ilang kampanya.
Nagpadayon ang tinguha sa kapulisan nga mahimong zero ang gun-related crimes sa rehiyon pinaagi sa community cooperation ug intelligence-based operations.
Source: PRO7-PIO
I via Renante Socia Lada
#rpndykccebu