Patay ang usa ka lalaki nga nag-motorsiklo human mibangga kini sa usa ka pick-up vehicle didto sa TESDA flyover, Governor Cuenco Avenue, Barangay Lahug, pasado alas 3:00 sa kadlawon, Mayo 31, 2025.
Giila ang biktima nga si Daryl Curiba, 31 anyos, pamilyado ug residente sa Barangay Buhisan. Subay sa imbestigasyon, padulong na unta kini pauli ug misubay sa flyover dihang nahitabo ang aksidente.
Nasayran sa pasiunang imbestigasyon sa Traffic Enforcement Unit (TEU) nga ang motorsiklo ni Curiba misulay ug overtake sa laing sakyanan ug nakasulod sa lane nga gisubay sa white Ford Ranger pick-up nga gimaneho ni Carmelo Inocando, 48 anyos, residente sa Barangay Talamban.
Matod sa mga otoridad, ana sa saktong linya ang pick-up ug dili kini paspas ang dagan. Apan tungod sa kakusog sa bangga, nalabay si Curiba gikan sa iyang motorsiklo ug naigo pa sa concrete barrier sa flyover, hinungdan sa grabe niyang samad ug kadaot sa lawas.
Gidali siya og dala sa tambalanan sa mga emergency responders apan gideklarar nga Dead on Arrival (DOA).
Gidala sa kapulisan si Inocando ug gi-hold sa TEU. Bisan pa man nga tuyo niini nga nagtinarong ug walay pasipala ang dagan sa sakyanan, posible gihapon siyang mag atubang og kasong Reckless Imprudence Resulting in Homicide and Damage to Property, kun dili magkasinabot sa areglo ang pamilya sa biktima.
I via Renante Socia Lada