Nagpadayon ang kusog nga kampanya sa Police Regional Office 7 (PRO7) batok sa ilegal nga drogas human masikop ang 144 ka tawo ug masakmit ang kapin 1.5 kilos nga shabu nga gibana-bana nga kantidad og P10.4 milyon.
Ang mga operasyon gihimo gikan Abril 27 hangtod Mayo 3, 2025, ug 122 ka anti-drug operations ang gilusad sa tibuok Central Visayas.
Bisan pa nga nakatutok usab ang kapulisan sa pagpanalipod sa hapsay ug malinawon nga eleksyon, wala kini nakapugong sa ilang kusog nga kampanya batok sa ilegal nga drugas.
Sumala ni PBGEN Redrico A. Maranan, Regional Director sa PRO7, gisunod nila ang sugo sa Chief PNP nga paspasan pa ang anti-drug campaign bisan panahon sa eleksyon.
Gipasalamatan usab niya ang suporta sa mga local government units, barangay officials, ug komunidad, nga kauban sa kalampusan sa operasyon.
Gisaad sa PRO7 nga padayon silang maningkamot aron masiguro ang kalinaw ug kahapsay sa Central Visayas ug dili pasagdan ang bisan unsang klase sa krimen.
Source: PRO7- PIO
I via Renante Socia Lada
Renante