Kapin P24 milyon nga kantidad sa gituohang shabu ang nasakmit sa Police Regional Office 7 (PRO7) atol sa sunod-sunod nga anti-drug operations sa Central Visayas gikan Abril 20 hangtod 26, 2025.
Sa mga operasyon, 205 ka tawo ang nadakpan, lakip na ang 14 ka high-value targets. Gibana-bana nga 3,589.76 gramos nga shabu ang nasakmit, nga nagkantidad og Php24,410,368.00, apil na usab ang mga drug paraphernalia.
Matod ni PRO7 Regional Director Police Brigadier General Redrico A. Maranan, kabahin kini sa paningkamot sa Philippine National Police (PNP) nga masiguro ang malinawon ug luwas nga eleksyon, subay sa mando ni PNP Chief General Rommel Francisco D. Marbil.
Gipasidungog ni Maranan ang tanang operatiba sa ilang kalampusan, ug gipahimug-atan nga magpadayon ang kampanya batok ilegal nga drogas.
Gisiguro sa PRO7 nga ang tanang nadakpan sa kasong paglapas sa Republic Act 9165 o Comprehensive Dangerous Drugs Act of 2002 mapasakaan og tukmang kaso.
Source: PRO7, PIO
I via Renante Socia Lada
#rpndykccebu
#675hzamband