Nagmalampusan ang kampanya batok sa ilegal nga drogas nga gihimo sa Police Regional Office 7 (PRO7) human sa paglusad sa Simultaneous Anti-Criminality Law Enforcement Operation (SACLEO) gikan Abril 11 hangtod 13, 2025. Ang operasyon miresulta sa pagsakmit ug gidiling drogas nga nagkantidad ug kapin Php25.7 milyon ug sa pagdakop sa 172 ka mga indibidwal nga nalambigit sa illegal drug activities.
Nasakmit atol sa 150 ka operasyon ang 3,583.63 ka gramos nga shabu nga adunay Standard Drug Price (SDP) nga Php24,368,684.00 ug 7,000 ka buok nga marijuana nga nagkantidad ug Php1,400,000.00.
Matod ni Police Brigadier General Redrico A. Maranan, Regional Director sa PRO7, kining kalampusan timailhan sa padayon nga dedikasyon sa kapulisan sa ilang serbisyo publiko. Diin, ang among walay puas nga kampanya batok sa ilegal nga drogas usa ka lakang padulong sa malinawon ug hapsay nga komunidad dinhi sa Central Visayas.
Gihangyo usab sa PRO7 ang publiko nga magpabiling mabinantayon ug motabang sa pagsumpo sa ilegal nga drogas pinaagi sa pagreport sa mga kadudahang kalihokan. Uban ang panaghiusa sa katawhan ug kapulisan, nagtinguha ang PRO7 nga mapadayon ang kalinaw ug kahapsay sa tibuok Central Visayas.
Source: PRO7, PIO
I via Renante Socia Lada
#rpndykccebu
#675hzamband