Usa ka dako nga kalampusan batok sa iligal nga drogas ang nahimo sa Police Regional Office 7 (PRO7) gikan Hunyo 13 hangtod Hulyo 17, 2025, nga miresulta sa pagkasikop sa 1,037 ka indibidwal, lakip na ang 24 nga giilang big-time drug personalities, ug pagsakmit sa kapin ₱68 milyones nga kantidad sa iligal nga drogas.
Nag-una sa operasyon ang Mandaue City Police Office (MCPO) nga nakasakmit og shabu nga mokantidad og ₱25,132,580.00 (3,696.85 gramos), gisundan sa Bohol Police Provincial Office (BPPO) nga adunay ₱16,607,968.00 (2,441.76 gramos), ug ang Cebu Police Provincial Office (CPPO) nga adunay ₱12,669,220.00 (1,862.65 gramos). Kini nga tulo ka buhatan mao’y pinakadakong kontribusyon sa kinatibuk-ang kantidad sa nasakmit nga drogas.
Gipasabot sa PRO7 nga kini nga mga operasyon resulta sa agresibo ug intelihensiya nga pamaagi nga nagpunting sa tukmang taktika ug lig-on nga suporta sa komunidad. Ang tibuok kampanya gipasiugdahan ubos sa mando ni Chief PNP, PGEN Nicolas D. Torre III, isip kabahin sa nasudnong paningkamot nga moputol sa linya sa suplay sa iligal nga drogas.
“To our operating units, your unwavering commitment and sharp execution led to these decisive gains and to the public, your vigilance and cooperation fuel our momentum.
Together, we are forging a region that is increasingly resilient against the drug menace,” segon ni PBGEN Redrico A. Maranan, Regional Director of PRO7.
Gipasalig ni PBGEN Maranan nga padayon ang PRO7 sa pagpadayon sa kampanya batok sa drogas, ug nanawagan sa publiko nga magpadayon sa pagreport sa mga kadudahang kalihokan.
Source: PRO7
I via Renante Socia Lada