Sa nagkahiusang operasyon kapulisan, malampuson nga nadakpan sa lainlaing yunit sa Police Regional Office 7 (PRO7) ang 576 ka mga wanted nga indibidwal sulod lamang sa usa ka bulan.
Kini nga dakong operasyon nagpakita sa kakugi sa PRO7 sa pagpalig-on sa seguridad sa publiko ug pagpaminus sa krimen sa Central Visayas.
Matod ni Police Brigadier General Redrico Maranan, ang Regional Director sa PRO7, kini nga kampanya resulta sa tinud-anay ug estratehikong operasyon nga gihimo sa kapulisan.
“By utilizing intelligence-led policing methods, we were able to effectively identify and locate suspects, thereby sending a clear and resolute message that criminal activity will not be tolerated in our communities. We assure the citizens of Central Visayas that their safety remains the top priority of the police force,” segon ni PBGen Maranan.
Base sa rekord, 74 sa mga nadakpan gilangkuban sa mga Most Wanted Persons (MWP), samtang ang nahibilin nga 502 nalakip sa ubang wanted nga mga tawo (OWP).
Kini nga mga pagdakop natala gikan Enero 1 hangtod Enero 31, 2025, nga nagpakita sa lig-on nga paningkamot sa mga tracker teams sa kapulisan aron madala sa husgado ang mga malapason sa balaod.
Source: PRO7-PIO
I via Renante Socia Lada
#rpndykccebu
#675hzamband
#mrpublicservice