Nakalas ang usa ka 60-anyos nga lalaki human pusila sa wala mailhing suspetsado sulod sa iyang balay sa Kalubihan 1, Barangay Umapad, Mandaue City kagabii, Pebrero 4, 2024.
Ang biktima giila sa Mandaue City Police Office (MCPO) nga mao si Raul Asistido Norman, minyo ug residente sa maong lugar, napusilan makadaghang higayon sa alas 6:32 sa gabii.
Sumala sa inisyal nga imbestigasyon, kalit lang miabot ang wala mailhing lalaki nga nagsul-ob og itom nga t-shirt ug brown nga short, ug dayon mipusil sa biktima gamit ang wala pa matino nga kalibre sa armas. Human sa pagpamusil, dali nga misibat ang suspek, samtang ang biktima gidala dayon sa District Hospital aron matambalan.
Sa pagkakaron, nagpadayon ang imbestigasyon sa kapulisan aron matino ang motibo sa krimen ug maila ang responsable sa krimin.
I via Renante Socia Lada