Ang Police Regional Office 7 (PRO7) ubos sa pagdumala ni PBGen Redrico A. Maranan, nibutang na sa full alert aron maseguro ang kalinaw ug kahapsay sa Central Visayas karong adlawa, Setyembre 21, 2025, usa ka Anti-Corruption Rally. Ang lakang gibuhat subay sa mando sa Acting Chief PNP, PLtGen Jose Melencio C. Nartatez Jr., aron mapanalipdan ang legal nga pagtapok ug malikayan ang samok sa katawhan.
Gideploy ang mga personnel sa PRO7 sa mga importante nga lugar aron andam dayon motubag kung adunay emerhensiya. Nakig-alayon usab ang kapulisan sa lokal nga mga kagamhanan, Armed Forces of the Philippines (AFP), ug uban pang ahensya para sa crowd control, trapiko, ug medical response.
Matod pa ni PBGen Maranan, andam ang PRO7 sa pagbantay sa anti-corruption rally. Ang ilang misyon mao ang pagtugot sa malinawong pagtigom samtang gisiguro ang kaluwasan sa tanan dinhi sa Central Visayas.
Pinaagi sa mas hugot nga pagbantay ug proaktibong lakang, gipakita sa PRO7 ang ilang tibuok suporta sa mando sa Acting CPNP aron mapanalipdan ang katawhan, mapreserbar ang kalinaw, ug masiguro nga ang mga legal nga kalihukan magpadayon nga luwas ug malinawon sa rehiyon.
Source: PRO7- PIO
I via Renante Socia Lada