Aron mapalig-on ang kusog sa frontline policing, Police Regional Office 7 (PRO-7) ubos sa pagpangulo ni Police Brigadier General Redrico A. Maranan, pormal nga gipresentar ang bag-ong deployment strategy atol sa usa ka high-level Command Conference nga gipangulohan mismo ni PNP Chief, Police General Nicolas D. Torre III, didto sa Camp Gen. Martin Teofilo B. Delgado, Iloilo City, kagahaping adlawa, Hunyo 14, 2025.
Gitambongan sa mga opisyales gikan sa PRO-6, PRO-7, ug sa bag-ong gihimo nga Negros Island Region (NIR), ang maong kumperensya usa ka importante nga yugto sa field-based reforms sa PNP nga may katuyoan nga magpahiuyon sa “Bagong Pilipinas” nga panggobyerno ni President Ferdinand R. Marcos Jr., usa ka polisiya nga nagpunting sa dali, makita, ug sentro sa katawhan nga pagpangserbisyo sa kapulisan.
Gipadayag ni PBGen Maranan ang proactive operational plan sa PRO-7 nga nagsentro sa tulo ka haligi: mobility, visibility, ug community engagement. Sentro niini mao ang pagbiya sa tradisyonal nga fixed precinct setup ug pagtutok sa usa ka mobile patrol system nga mas paspas ug epektibo sa pagtubag sa mga sitwasyon nga may kalambigitan sa seguridad sa katawhan.
Gibutyag nga ang plano mag-deploy og round-the-clock mobile patrol units sa mga high-priority areas, nga suportado sa data-driven routing, barangay-level coordination, ug pakigtambayayong sa Barangay Peacekeeping Action Teams (BPATs) ug mga lokal nga gobyerno.
Ang sentrong bahin sa reporma nga gisugyot ni PGen Torre mao ang 5-Minute Response Time Strategy, nga nagmando sa pag-deactivate sa Police Community Precincts (PCPs) ug pagpadala og mas lig-on, mas aktibo, ug wala lang nakapunting sa usa ka lugar ang kapulisan.
Gidugang pa niya nga kini nga estratehiya labaw pa sa porma, usa kini ka kultura nga pagbag-o nga nag-una sa lihok, responsibilidad, ug pagpabalik sa pagsalig sa publiko sa adlaw-adlaw nga serbisyo sa kapulisan.
Gawas sa PRO7, mitanyag usab og ilang regional strategy sila PBGen Jack L. Wanky (PRO6) ug PBGen Arnold Thomas C. Ibay (NIR), nga nagpamatuod sa halapad nga suporta sa modernization program ni Torre. Gikustomisa ang mga plano base sa population density, terrain, ug logistics sa ilang rehiyon.
Ang maong panagtigom sa Visayas misunod sa National Command Conference niadtong Hunyo 13 sa Camp Crame, diin ang uban pang regional directors gikan sa NCRPO, PRO3, ug PRO4A nagpadayag usab sa ilang suporta sa mobile-first, community-responsive policing model.
“We want every resident of Central Visayas to feel the speed, dependability, and constant presence of their police. The patrol car passing by, the officer engaging with communities, and the emergency call answered within minutes—that’s our mission in action,” PBGen Maranan noted.
Uban sa nasudnong kamanduan ni PGen. Torre ug lig-on nga rehiyonal nga pagpangulo ni PBGen Maranan, ang PRO-7 karon nagpakita og ehemplo sa bag-ong operational transformation, nga nag-una sa paspas, klaro, ug kasaligan nga pagpangalagad sa katawhan sa Central Visayas.
Source: PRO7
I via Renante Socia Lada