Usa ka wala mailhi nga lawas sa lalaki ang napalgan nga naglutaw sa baybayon duol sa South Road Properties (SRP) sa Dakbayan sa Sugbo pasado alas-4 sa hapon, Hunyo 15, 2025.
Sumala sa impormasyon gikan sa mga sakop sa usa ka pumpboat nga naggikan sa Bohol ug paingon sa Pasil aron magdala og isda, nakabantay sila sa lawas sa lalaki nga naglutaw sa tubig duol sa Ludo port. Ang usa sa mga tripulante, si Albert Tacatani, miingon nga ilang gitabangan sa pagbitbit ang maong lawas padulong sa Pasil Fishport samtang nagpaabot sa mga awtoridad.
Pag-abot sa mga sakop sa Philippine Coast Guard ug kapulisan, ilang gisusi ang lawas ug ang sulod sa iyang bag. Nakit-an ang mga importanteng gamit lakip ang ID nga adunay pangalan na
Arthuro Alcordo, 79 anyos, residente sa Poblacion, Boljoon, Cebu.
Ang biktima nagsul-ob og stripes nga T-shirt, itom nga shorts, Under Armour nga sapatos ug may gidalang itom nga tangkil nga bag.
Gipadayon sa mga otoridad ang imbestigasyon aron matino ang hinungdan sa iyang pagkamatay ug kung adunay laing kalambigitan kini sa krimen.
I via Renante Socia Lada