Usa ka makasubo nga aksidente sa dalan ang nahitabo sayong buntag niadtong Oktubre 22, 2025, sa national highway sa Barangay Cabiangon, Pinamungajan, Cebu, nga miresulta sa kamatayon sa usa ka municipal trial court judge ug nakaangol sa pipila pa.
Sumala sa inisyal nga imbestigasyon, ang biktima gideklarar nga dead on arrival sa Pinamungajan District Hospital samtang ang uban nakadawat dayon og tambal. Nasuta usab sa kapulisan nga ang usa sa mga motor nga naapil sa aksidente gigamit sa usa ka drayber nga walay lisensya ug tapos na ang rehistro sa motor.
Ang Police Regional Office 7 (PRO7) mipadayag sa kasubo ug pagkondena sa pagkawalay pag-amping sa maong insidente. Matod ni PBGEN Redrico A. Maranan, Regional Director sa PRO7, nga malikayan unta ang ingon ani nga mga trahedya kung ang mga drayber magpuyo nga responsable ug disiplinado sa dalan.
“Reckless driving and disregard for traffic laws put innocent lives in danger. This unfortunate incident serves as a painful reminder that road safety begins with discipline and responsibility.”
Padayon ang imbestigasyon aron mahibal-an ang hinungdan sa aksidente ug kung adunay ipasaka nga kaso. Gihangyo usab sa PRO7 ang publiko nga magpabiling mabinantayon ug motuman sa mga balaod trapiko aron malikayan ang susamang panghitabo.
Source: PRO7 PIO
I via Renante Socia Lada