Usa sa labing gipangita nga kriminal sa Central Visayas nasikop atol sa gipahugtan nga manhunt operation sa kapulisan sa rehiyon kagabii, Mayo 14, 2025, sa gabii sa Purok Bayabas 3, Barangay Inoburan, Dakbayan sa Naga, lalawigan sa Sugbo.
Ang operasyon gipangulohan sa Naga City Police Station ubos sa Cebu Police Provincial Office (CPPO), diin ilang nadakpan ang usa ka 50-anyos nga lalaki nga nalakip sa listahan sa Top 10 Regional Most Wanted, Top 8 Provincial, ug Top 2 Municipal Most Wanted Persons.
Ang suspetsado nag-atubang sa tulo ka lahi- lahi nga mga Warrants of Arrest, lakip ang:
Qualified Rape of a Minor (walay piyansa), Paglapas sa Seksyon 10(a), Lascivious Conduct ubos sa R.A. 7610 (parehong adunay girekomendar nga piyansa).
Ang maong mga warrant gi-isyu ni Presiding Judge Albie Carmelo R. Pescadero sa Family Court, 7th Judicial Region, Branch 12, sa Dakbayan sa Naga, niadtong Setyembre 19, 2024.
Karon, ang suspetsado gikustodiya na sa Naga CPS samtang naghulat sa iyang pagpresentar sa korte nga nag-isyu sa mga mando sa pagdakop.
Matud pa ni Police Brigadier General Redrico A. Maranan, Regional Director sa PRO7, dako ang iyang pasalamat sa Naga CPS sa ilang hustong operasyon ug paspas nga aksyon.
“This successful arrest is the result of determined intelligence work and operational readiness. It sends a clear message to all fugitives—no one is beyond the reach of the law.
We remain fully committed to protecting our communities and securing justice for the victims,” segon ni RD Maranan.
Gihangyo usab sa PRO7 ang katawhan nga ipadayon ang suporta sa mga otoridad pinaagi sa pagreport sa mga impormasyon kabahin sa uban pang mga nagtago-tago nga wanted persons, aron sila masakpan ug mapasakaan sa hustisya.
Source: PRO7-PIO
I via Renante Socia Lada
#rpndykccebu