Nadakpan sa mga ahente sa National Bureau of Investigation (NBI) Central Visayas ang usa ka lalaki nga giingong nanghulga nga pabuthon ang central office sa Commission on Elections (COMELEC) ug uban pa nga mga sites niini.
Giila ang suspetsado nga si Gian Carlo Dela Cruz Maningo, nga nasikop sa usa ka balay sa Casili Hills, Casili, Mandaue City niadtong Mayo 14, 2025.
Base sa imbestigasyon sa NBI, nasakpan nga ang Facebook account nga konektado kang Maningo nag-post og hulga sa lain-laing online groups. Sa mga komentaryo niini, giingong nagtanyag siya og gante nga P5 milyon sa bisan kinsa nga makapamutang ug makapabuto og bomba sa COMELEC central office.
Nagpadayon karon ang imbestigasyon sa NBI-7 aron masuta ang tinuod nga motibo sa suspetsado ug kung adunay uban pay laing nalambigit sa maong hulga.
Gipasalig sa NBI nga seryoso nila nga gisubay ang tanang hulga sa seguridad ilabi na kung kini nag-atake batok sa mga institusyon sa gobyerno.
Source: NBI-7
I via Renante Socia Lada