Nag-una ang Police Regional Office 7 (PRO7) isip top-performing unit sa tibuok Pilipinas human makakuha og 87.136 puntos sa Unit Performance Evaluation Rating (UPER) para sa bulan sa Hulyo 2025. Kini mas taas kumpara sa 86.018 puntos nga nakuha sa miaging bulan sa Hunyo.
Labaw ang PRO7 sa uban pang mga regional office, diin ang PRO11 nakakuha lamang og 80.923 puntos ug PRO6 nga adunay 80.236 puntos. Ang resulta nagpamatuod sa padayon nga progreso sa PRO7 sa mga key result areas, administrative compliance, ug operational readiness, nga nagbutang niini sa unahan sa performance sa kapulisan sa nasud.
Si Regional Director Police Brigadier General Redrico A. Maranan mipasidungog sa tanang personahe sa PRO7.
“I extend my deepest commendation to every personnel of PRO7 for this outstanding accomplishment. Your discipline, professionalism, and relentless dedication to duty have brought pride and honor to our region. This achievement is not just a reflection of our numbers but of our shared commitment to serve and protect our communities with integrity and passion.”
Gidugang pa niya nga ang kalampusan dili lang base sa numero apan timailhan sa tinuod nga panaghiusa sa kapulisan aron molihok uban sa integridad ug kadasig sa pagpanalipod ug pagserbisyo sa katawhan.
Sa padayon, gisaad sa PRO7 nga magpabilin kini nga matinud-anon sa misyon sa Philippine National Police (PNP) sa pagpanalipod sa kinabuhi ug kabtangan, pagmintinar sa kalinaw ug kahapsay, ug paglig-on sa pakig-partner sa komunidad sa Central Visayas.
Source: PRO7- PIO
I via Renante Socia Lada