Gipahimangnoan sa Police Regional Office 7 (PRO7) ang tanang police units sa Central Visayas nga striktohon ang zero-tolerance policy batok sa paggamit sa armas de fuego,
ingon sa giya sa Chief of the Philippine National Police, samtang gipahugtan ang seguridad sa panahon sa pasko ug sa umaabot nga Bag-ong Tuig 2026.
Gipahinumduman sa PRO7 ang tanang pulis nga kinahanglan magmatngon, disiplinado, ug professional sa paggamit sa armas ning pagsugat sa bag-ong tuig.
Giingon ni PRO7 Regional Director PBGen Redrico A. Maranan nga ang polisiya tumong niini mao ang paglikay sa kadaut ug kamatayon ug aron ang mga pulis mismo mahimong ehemplo sa balaod ug responsable nga pamatasan.
“Firearms are issued to police officers to protect lives, not to endanger them. In PRO7, there will be no tolerance for indiscriminate firing. Any personnel involved will be immediately relieved from duty and subjected to administrative and criminal proceedings, as warranted,” segon ni PBGen Maranan.
Gidugang pa niya nga ang tanang commanders kinahanglan higpit nga magbantay sa ilang mga sakop, kay ang responsibilidad dili lang kutob sa usa ka indibidwal.
“Commanders are expected to enforce discipline within their ranks. Failure to do so will be dealt with accordingly. Upholding public safety and trust is a shared responsibility at every level of command,” dugang pa niya.
Source: PRO7 PIO
I via Renante Socia Lada