Malinawon ug luwas ang nahimong pagbisita ni Presidente Ferdinand “Bongbong” Marcos Jr. sa probinsya sa Bohol karong Setyembre 5, 2025, human sa hugot nga pagpatuman sa siguridad nga gi-supervise mismo ni PBGEN Redrico A. Maranan, Regional Director sa Police Regional Office 7.
Kapin 900 ka personahe ang gi-deploy sa mga lugar sa kalihokan sa Calape ug Bien Unido. Kini naglakip og 530 gikan sa PNP, 120 gikan sa AFP, 25 gikan sa Coast Guard, 23 gikan sa BFP ug 210 gikan sa Local Government Units. Tungod sa ilang panaghiusa, nahimong malinawon ug organisado ang tanang kalihokan sa Presidente.
Gidayeg ni PBGen Maranan ang paningkamot sa tanang security forces, nga nagpamatuod sa ilang professionalism ug kooperasyon alang sa kaluwasan sa Presidente ug sa mga Bol-anon.
Ang hapsay nga pagdumala sa bisita nagpamatuod sa lig-on nga koordinasyon sa mga ahensya ug sa pasalig sa PRO7 sa pagpanalipod sa katawhan ug pagsuporta sa mga direktiba sa nasud.
Source: PRO7-PIO
I via Renante Socia Lada