Nagpahigayon na og Full Alert Status ang Police Regional Office 7 (PRO7) sugod Mayo 3, 2025, samtang nagkadool ang eleksyon karong Mayo 12, 2025, aron masiguro ang luwas ug malinawon nga pagboto sa Central Visayas.
Matod ni PBGen Redrico A. Maranan, Regional Director sa PRO7, dako ang papel sa panaghiusa sa tanang ahensya.
Andam na ang tanang security units, lakip na ang RSSF ug QRT, ug gibutang sa mga lugar nga gilaumang hotspot. Ang joint operations gitumong aron malikayan ang kalihukan nga makadaut sa eleksyon ug mapadayon ang pagsalig sa publiko.
Gihangyo sa PRO7 ang katawhan nga magpuyo nga malinawon, motaho sa mga kadudahang lihok, ug mosuporta sa mga kapulisan samtang nagkadool ang adlaw sa eleksyon.
Source: PRO7-PIO
I via Renante Socia Lada