Nasikop ang usa ka High-Value Individual (HVI) sa ilegal nga negosyo sa ginadiling drugas human sa usa ka hiniusang buy-bust operation sa Sitio Sun-ok, Purok Tambis, Barangay Umapad, Mandaue City, niadtong gabii sa Mayo 3, 2025.
Ang operasyon resulta sa usa ka semana nga surveillance ug intel work sa City Intelligence Unit ug City Drug Enforcement Unit sa Mandaue City Police Office (MCPO), uban sa Philippine Drug Enforcement Agency Region 7 (PDEA-7).
Nakuhaan ang 33-anyos nga suspek og gibana-banang 1,000 gramos nga gituohang shabu nga nagkantidad og kapin P6.8 milyon, lakip pa ang ubang ebidensya. Gibilanggo siya karon sa CIU custodial facility samtang giandam ang mga papeles para kasohan siya.
Gipasidunggan ni Police Brigadier General Redrico A. Maranan, Regional Director sa PRO-7, ang operasyon isip ehemplo sa maayong panaghiusa ug disiplina sa mga ahensya.
Gihangyo usab sa PRO-7 ang suporta sa komunidad ug ang pagpahimangno sa katawhan nga magbantay ug motaho dayon sa kadudahang lihok sa ilang palibot.
Source: PRO7-PIO
I via Renante Socia Lada