Sa ilawom sa bag-ong liderato, ang Police Regional Office 7 (PRO7) nagpatuman og mas hapsay nga mga lakang sa seguridad, nag-deploy og mga kapulisan sa mga estratehikong dapit, ug gipakusog ang kooperasyon tali sa lain-laing ahensya sa rehiyon 7.
Tungod sa mga paningkamot niini, nakasinati ang rehiyon og dakong kausaban sa kahimtang sa kaluwasan sa publiko, nga nagpamatuod sa usa ka mahinungdanon nga pagkunhod sa mga kaso sa krimen, ug nagmugna og mas malinawon ug luwas nga palibot, sumala sa report sa Police Regional Office 7.
Base sa datos gikan sa Philippine National Police Crime Incident Reporting and Analysis System (PNP CIRAS) hangtod sa Abril 1, 2025, gikan sa Enero 1 hangtod Marso 31, 2025, ang mga index crimes sa Central Visayas mikunhod gikan sa 982 ka insidente sa parehong panahon sa 2024 ngadto sa 691 ka insidente sa 2025, nga nagrepresentar og usa ka pagkunhod nga 291 ka insidente o 29.63 porsyento.
Partikular nga mikunhod ang walo ka focus crimes, labi na ang mga kaso sa pagpangawat nga mikunhod gikan sa 380 ngadto sa 261 ka insidente, nga nagtugot sa usa ka pagkunhod nga 119 ka insidente o 31.32 porsyento sa maong panahon.
Si Police Brigadier General Redrico Maranan, ang Regional Director sa PRO7, naghisgot nga ang implementasyon sa mga modernong estratehiya, ang paggamit sa intelligence-driven nga operasyon, ug ang pagpakusog sa relasyon sa komunidad dako kaayong nakatampo sa pagkunhod sa krimin sa unang kwarter sa 2025.
“Our commitment remains steadfast, and we shall not allow complacency to impede our progress. It is essential that our communities feel secure, which is why we strive to ensure that Region 7 is genuinely a safe area, allowing individuals to engage in their daily activities free from fear and uncertainty,” segon ni PBGen. Maranan.
Gihisgutan usab ni PBGen Maranan nga samtang nagkaduol ang eleksyon, kinahanglan nga ang PRO7 maghimo og responsibilidad sa pagpaniguro nga ang eleksyon sa Mayo 2025 magpadayon nga luwas, tinuod, ug patas.
Gipangandaman usab sa kapulisan ang pagpatuman sa kahapsay ug kalinaw sa summer ug Semana Santa.
Source: PRO7-PIO
I via Renante Socia Lada
#rpndykccebu