Gi-anunsyo sa Police Regional Office 7 (PRO7) nga andam na sila 100% para sa ika-upat nga State of the Nation Address (SONA) ni President Ferdinand Marcos Jr. karong Hulyo 28 sa Batasang Pambansa, Quezon City.
Matod ni PRO7 Regional Director Police Brigadier General Redrico Maranan nga andam ang kapulisan sa Central Visayas aron masiguro ang kalinaw ug kahapsay sa tanang lugar, ilabi na sa mga dapit nga aduna’y rally o pagtigum sa katawhan.
Iyang gipahibalo nga magpakatap og daghang kapulisan sa mga lugar kung asa daghan ang tawo aron paspas ang aksyon kon adunay kalit nga hitabo.
Kini nga lakang gisunod sa mando sa PNP Chief nga si Police General Nicolas Torre III, nga gusto nga masiguro ang kaluwasan sa tanan ug respetohon ang katungod sa katawhan.
Gidugang pa ni Maranan nga ang PRO7 mosuporta sa malinawon nga pagpadayag ug magpadayon sa ilang trabaho nga protektahan ang katawhan ug demokrasya.
Gihangyo usab sa PRO7 ang publiko nga magpabiling kalma ug motabang pinaagi sa pagsumbong kung aduna silay makita nga kadudahan.
Source: PRO7
I via Renante Socia Lada
#rpndykccebu
#675hzamband
#tandemexpress