Nagpakita og dako nga kalampusan ang Police Regional Office 7 (PRO-7) human kini nakatala og 52% nga pagkunhod sa krimen sa Central Visayas gikan Abril 1 hangtod 20, 2025, itandi sa samang petsa niadtong 2024.
Base sa datos gikan sa Crime Incident Recording and Analysis System (CIRAS) sa Philippine National Police (PNP), mikunhod ang mga focus crimes sa rehiyon gikan sa 175 ka insidente niadtong 2024 ngadto sa 84 karong 2025 – o 91 ka insidente ang nawala.
Ang mga krimen nga nagpakita og dako nga pagkunhod mao ang:
Theft: mikunhod og 28 ka kaso (39.44%)
Physical injury: mikunhod og 26 ka kaso (54.17%)
Rape: mikunhod og 20 ka kaso (74.07%)
Murder: mikunhod og 7 ka kaso (58.33%)
Homicide: mikunhod og 1 ka kaso (50%)
Pinakadakong kalampusan ang nakita sa:
Cebu Police Provincial Office (CPPO): gikan 79 ngadto 29 ka kaso (63.29% nga pagkunhod)
Bohol Police Provincial Office (BPPO): gikan 35 ngadto 14 (60% nga pagkunhod)
Lapu-Lapu City Police Office (LCPO): gikan 14 ngadto 3 (78.57% nga pagkunhod)
Ang maong kalampusan resulta sa “Peace and Order Operational Formula” ni PRO7
Regional Director PBGen Redrico A. Maranan, nga naglangkob sa:
Enhanced Police Presence (EPP) + Quick Response Time (QRT) + Counteractions Against
Drug Groups, Criminal Gangs, and Private Armed Groups (CADCP) = Safer Region 7 (SR7).
Kini nga formula nag-uban sa tema sa PNP nga:“Sa Bagong Pilipinas, Ang Gusto ng Pulis, Ligtas Ka!”
Gidayeg ni PBGen Maranan ang tanang police units ug ang komunidad sa ilang dakong suporta.
Gipasabot usab niya nga magpadayon ang PRO7 sa pagpalig-on sa mga patrol, paspas nga response time, ug koordinasyon sa ubang ahensya aron mas mapadayon ang pagsalig sa katawhan ug mas mapalambo ang kalinaw ug kahapsay sa rehiyon.
Source: PRO7- PIO
I via Renante Socia Lada
#rpndykccebu
#675hzamband
#mrpublicservice