Patay ang usa ka delivery rider human kini malatayan sa fuel tanker, pasado alas-11:00 sa buntag, Abril 22, 2025, sa eskina Uldog sa Cebu South Coastal Road (CSCR), Barangay Cansojong, Talisay City.
Ang biktima giila nga si Joseph Basabe Sedano, 46 anyos, taga Barangay Vito, Minglanilla. Ang drayber sa fuel tanker nailhan usab nga si Jayco Mata Castillo, 34 anyos, taga Barangay Binaliw, Danao City.
Matod ni PSsg. Robert Escobia sa Traffic Enforcement Unit sa Talisay City Police Station, niadtong panahona, unom ka mga motorista ang naghulat sa traffic light uban sa mga dagko nga sakyanan. Ang biktima nag tan-aw sa selpon samtang naghulat na mo “Go” na ang traffic light, wah dayon kini kapa andar sa motorsiklo na maoy hinungdan nga naligsan sa nagsunod kaniya.
Gidali pa og dala ang biktima sa ospital apan gideklarar kini nga dead on arrival. Ang drayber sa fuel tanker temporaryong gi tanggong sa Talisay City Police Station samtang giplano sa pamilya sa biktima ang pagsaka og kaso batok kaniya.
I via Renante Socia Lada