Sa bag-ohay lang nga operasyon, malampusong nasakmit sa mga awtoridad sa Police Regional Office (PRO) 7 ang ilegal nga drugas nga mobalor og PhP6.8 milyones niadtong Lunes, Oktubre 21, 2024, sa lalawigan sa Bohol ug dakbayan sa Mandaue.
Nasakmit sa Provincial Drug Enforcement Unit, Cortes Municipal Police Station sa Bohol Police Provincial Office (BPPO), PDEGSOU7, ug Regional Intelligence Unit 7 PIT-Bohol ang 500 gramos nga ilegal nga drugas nga nagkantidad og PhP3.4 milyones ug uban pang ebidensiya sa Purok 3, Barangay Lourdes, Cortes, Bohol alas 11:40 sa buntag.
Sa dakbayan sa Mandaue, usa ka 29-anyos nga high-profile drug personality ang nasikop sa City Intelligence Unit/City Drug Enforcement Unit ubos sa Mandaue City Police Office (MCPO), tungod sa paglapas sa Republic Act 9165 ug Republic Act 10591 sa mga alas 8: 56 PM sa F.E. Zuellig Street, Barangay Subangdaku, Mandaue City.
Ang mga nasakmit naglakip sa 500 gramos nga shabu nga nagkantidad og PhP3.4 milyones, cash, usa ka kalibre .22 magnum revolver nga si Smith ug Wesson, mga bala, usa ka cellular phone, usa ka belt bag, ug usa ka unit nga motorsiklo.
Ang mga nasakmit nga ilegal nga mga ebidensya gisumiter sa forensic units.
Gitanggong na usab sa custodial facility ang mga dinakpan nga drug suspects samtang gipaabot ang pagpasaka sa tukmang kaso sa korte.
Si PBGEN ANTHONY ABERIN, ang PRO-7 Regional Director, nidayeg sa operating units sa ilang talagsaong trabaho. Ang operasyon kabahin sa pagpangandam sa seguridad alang sa umaabot nga kapaskuhan , “Kalag-kalag”, ug midterm elections, diin gihingusgan ang kampanya batok sa ilegal nga drugas ug pagkuyanap sa mga dili lisensyadong armas de fuego.
“As the end of the year approaches, we are intensifying our relentless drive against criminality, ensuring the safety of everyone here in Central Visayas. The safety of everyone is our top priority,” dugang PBGen Aberin.
Kanunay usab gi-awag ang publiko nga kanunay magbuntayon ug mutaho sa kapulisan kung adunay mga kadudahang mga tawo sa ilang lugar.
Source: PRO-7
I via Renante Socia Lada ug Ting Joe Pepito
RPN DYKC CEBU
675 KHZ AM BAND