Sa walay hunong nga anti illegal drug operation sa Police Regional Office 7 nakasakmit na usab sila og ₱20.5 milyones nga balor sa shabu sa sunod-sunod nga intelligence-based operations.
Si PBGEN ANTHONY ABERIN, ang Regional Director sa PRO-7, nidayeg sa malampusong mga operasyon nga gihimo sa Regional Police Drug Enforcement Unit (RPDEU) 7, sa pakigtambayayong sa Police Station 4 sa Cebu City Police Office (CCPO), ingon man sa hiniusang paningkamot. sa Provincial Intelligence Unit (PIU), Provincial Drug Enforcement Unit (PDEU), ug Tubigon Municipal Police Station sa Bohol Police Provincial Office (BPPO).
Niadtong Nobiyembre 8, 2024 sa mga alas 8:50 sa gabii, sa Kaohsiung Street, Sitio San Isidro, Barangay Mabolo, dakbayan sa Sugbo, nasakmit sa RPDEU 7 ug Police Station 4 sa CCPO ang mga plastic packs nga dunay sulod nga ilegal nga drugas nga mokabat sa 1,025 gramos nga mobalor og ₱6,970,000.
Nasakmit usab sa mga otoridad ang buy-bust money, usa ka belt bag nga gigamit sa pagdala sa ilegal nga drugas, ug nagkadaiyang drug paraphernalia.
Sa managlahing operasyon sa Tubigon, Bohol, mga alas 7:54 sa buntag niadtong Nobiyembre 9, nasakmit sa mga operatiba sa PIU, PDEU, ug Tubigon MPS ang gibana-banang 2 ka kilo sa ilegal nga drugas nga nagkantidad og ₱13.6 milyones.
“Our resolve to end the illegal drugs menace in Central Visayas remains unwavering, unconditional and unceasing. We have already warned suppliers of illegal drugs that Central Visayas will never be a safe haven for them. We will not stop until all illegal drug traffickers will be put to jail,” segon ni PBGen Aberin.
Ang mga nasakmit nga ilegal nga drugas gipadala na sa Crime Laboratory Office alang sa pagsusi. Ang mga suspetsado mag-atubang og tukmang kaso isip kalapasan sa Sections 5 ug 11 sa Republic Act 9165. (Renante Socia Lada)
(Source: PRO7-PIO)