Ang Police Regional Office (PRO) 7 nagpadala og dugang nga 200 ka personahe aron palig-onon ang mga paningkamot sa pagresponde sa mga kalamidad ug aron masiguro ang hapsay nga pagpadagan sa umaabot nga eleksyon sa Negros Oriental.
Ang seremonya sa pagpadala gipangulohan ni PRO7 Regional Director PBGen Redrico Maranan sa PRO7 Headquarters sa Camp Sergio Osmeña Sr., Cebu City, Enero 31, 2025. Kini nagpakita sa dedikasyon sa PRO7 alang sa kaluwasan ug kaayohan sa mga molupyo sa Central Visayas.
“As I step into my role at PRO7, I want to assure everyone that we are dedicated to providing comprehensive law enforcement support, effective disaster response, and facilitating peaceful and orderly midterm elections in 2025,” segon ni PBGen Maranan.
“Our objective is to ensure that citizens can cast their votes free from fear and violence, empowering them to choose deserving and most qualified leaders who will contribute to the progress of the province. I urge the police officers to also prioritize your safety as you perform our mandate, and we look forward to your safe return,” dugang niya.
Sa 200 ka personahe, 100 gikan sa Regional Mobile Force Company (RMFB) ang maghimo og mga checkpoint batok sa kriminalidad, samtang ang nahibilin nga 100 gikan sa Provincial Mobile Force Company (PMFC) magpasiugda sa mga evacuation ug humanitarian nga mga paningkamot aron suportahan ang mga residente sa Canlaon.
Gipasiugda ni PBGen Maranan nga ang dugang nga pwersa adunay duha ka misyon: ang pagpatuman sa mga humanitarian nga paningkamot aron mapagaan ang mga hagit nga giatubang sa komunidad, ug ang pagmintinar sa kalinaw ug seguridad alang sa tanan nga mga molupyo atol sa eleksyon.
Gisiguro niya sa iyang mga sakop nga ang liderato sa PRO7 maghatag sa tanang gikinahanglan nga suporta sa ilamg misyon.
Gikonsidera ang Negros Oriental isip usa ka prayoridad nga lugar alang sa PRO7, kini nga proaktibong estratehiya nagtinguha sa pagpatunhay sa malinawon nga palibot sa eleksyon.
Gipasiugda ni PBGen Maranan ang pagpatuman sa epektibong mga protokol sa seguridad aron mapanalipdan ang mga personahe sa Commission on Elections (Comelec), mga napili nga opisyal, mga kandidato, mga lugar sa canvassing, mga polling station, ug uban pang hinungdanon nga imprastruktura sa eleksyon.
Gidasig niya ang mga miyembro sa komunidad nga magpabilin nga mabinantayon ug aktibong mosuporta sa kapulisan sa pagmintinar sa kalinaw ug kahusay, aron masiguro ang malampusong National ug Local Elections alang sa tanan.
Gidasig usab ni PBGen Maranan ang mga opisyal sa kapulisan nga ipakita ang disiplina ug pag-amping sa tanang higayon, tungod kay ang komunidad nagsalig sa ilang propesyonalismo ug dedikasyon. (Renante Socia Lada)
(Source: PRO-7 PIO)