Gibutyag sa Police Regional Office 7 (PRO7) ang usa ka dako nga kalampusan sa kampanya batok krimen human natala ang 14.12% nga pagkunhod sa total nga krimen sa rehiyon sulod sa unang unom ka buwan sa 2025. Gikan sa 12,200 ka kaso sa parehas nga panahon sa 2024, miubos kini og 10,477 karong tuiga, nga nagpasabot og 1,723 ka insidente nga nakuhaan.
Ang mga index crimes, o mga seryosong krimen sama sa pagpanglungkab, pagpangawat, ug pagpatay, miubos og 30.95%, gikan sa 1,635 ka kaso sa 2024 ngadto sa 1,129 karong tuiga. Kini nagpamatuod sa epektibong pagpatuman sa mga estratehiya sa kapulisan ilawom sa liderato ni PBGen Redrico A. Maranan.
Basi sa datos sa PNP Crime Information Reporting and Analysis System (CIRAS), dako ang pagkunhod sa mga major crimes: pagpangawat (-252), physical injuries (-103), robbery (-74), murder (-15), rape (-50), carnapping sa sakyanan (-1), ug carnapping sa motorsiklo (-15). Ang mga numero nagpakita sa klaro nga epekto sa proactive policing ug teknolohiya nga gigamit sa PRO7.
Gipasigarbo ni PBGen Maranan nga ang maong kalampusan resulta sa himsog nga kooperasyon sa mga komunidad, mga local government units, ug stakeholders. Gipalig-on sa PRO7 ang ilang presensya pinaagi sa enhanced patrols, intelligence-led operations, ug paggamit sa real-time crime data analysis aron mahibaw-an kung asa ibutang ang ilang pwersa.
Gipasabot usab sa hepe sa rehiyon nga ang ilang paningkamot dili lamang nagtumong sa pagpakunhod sa numero sa krimen, apan sa pagsiguro nga ang mga pamilya sa Central Visayas mobati og kalinaw ug kasiguruhan. Matod niya.
Sa kataposan, nanawagan si PBGen Maranan sa katawhan nga padayon nga makigtambayayong sa kapulisan aron mas mapalig-on pa ang kalinaw ug kahapsay sa rehiyon.
Source: PRO7
I via Renante Socia Lada