29.5 C
Manila
Friday, March 29, 2024

Cebu: Presyo sa mga nag-unang palaliton gipanglantawan nga mas mosaka nonot sa sunod-sunod nga pagsaka sa presyo sa lana gumikan sa Russia-Ukraine war

- Advertisement -

Cebu City – Gipanglantawan nga mas mosaka ang mga presyo sa mga palaliton kung di ma resolba sa labing daling panahon ang sunod-sunod nga pag umento sa presyo sa oil sa nasud.

Visit RPN DYKC Cebu

Kini maoy pahimangno sa business leader, dungan sa proposed solution sa lain-lain pondok.

Gibutyag ni Mandaue Chamber of Commerce and Industry (MCCI) president Steven Yu nga duna nay gamayng pagsaka nga gipatuman sa tanang mga produkto dili lang sa syudad sa Mandaue, kundi lakip na sa tibook Cebu Island.

“If the heightened commodity prices do not go down soon, once the inventory of the manufacturers gets depleted, we can expect bigger increases,” mensahi ni Yu.

Giluwatan ni Yu ang pamayahag usa ka adlaw human mipasaka sa presyo sa lana ang mga kompaniya, Marso 9, 2022.

Kini mao nay ika 10 nga higayon sa pagpa umento sa presyo niini.

Ang gihimo nga ‘invasion’ sa Russia ngadto sa Ukraine Pebrero 24, maoy hinungdan nga misulbong ang presyo sa world oil, gumikan sa pagkabalda sa supply ug nakapasamot niini ang sanctions nga gipatuman ngadto sa Russia sa gihulagway nga aggression.

Alang ni Yu nga ang sunod sunod pagsaka sa presyo sa oil maka dugang sa pas-anon sa business community, nga wala pa maka recover gikan sa coronavirus disease (Covid-19) pandemic ug sa danyos nga gibilin sa bagyong Odette.

Nakita niini nga grabe kining maka apekto bisan pa man sa pagpaluag na sa restrictions sama sa paglibkas na sa curfew, pagpatuman sa full seating capacity sa public transport ug wagtang na sa pag require sa vaccination cards sa mga establishments, nga dakong butang sa recovery sa business community.

“With the easing of restrictions, we are seeing the gradual resurgence of consumers coming out and spending, but the increasing prices of oil and commodities put a damper to that purchasing power,” pasabot ni Yu.

Gilauman sa MCCI president nga ang goberno maka himo ug timely interventions pagpa menus sa impact sa gipanglantawan nga pagsaka sa presyo sa nag-unang palaliton.

Gihangop hinoon ni Yu nga ang goberno mihimo ug lakang pagtan-aw sa lain-laing measures nga ma menusan ang impact sa gubat, sama sa pag review sa Biofuels Act of 2006 ug ang Downstream Oil Industry Deregulation Act of 1998, u gang posibiling pagpa ubos o pagtangtang sa tariffs sa corn,wheat, oil, pork, chicken ug ubang commodities.

Nakita ni Yu nga balido ang lakang sa goberno pagpalapad sa supply sa mga palaliton pinaagi sa pag import.

Kinahanglang di magsalig

Sa iyang bahin, gipadayag ni Cebu Chamber of Commerce and Industry president Charles Kenneth Co, nga kinahanglan menusan ang pagsalig sa imported oil ug food products sa nasud, taliwa sa padayon nga nagsaka nga presyo sa gasolina ug ang sa nagpadayon nga gubat tali sa Russia ug Ukraine.

Buot ni Co nga kinahanglang mo tutok ang gobyerno sa long term self-sufficiency nga maoy maghatag sa nasud ug better economics ug food security.

Dugang niini nga dili lang ang presyo sa gas maoy nagsaka, apil na sab ang mga commodities nga produkto sa Russia ug sa Ukraine.

Kining maong mga nasud, matod ni Co, nag produce ug wheat, corn, sugar, ug ang alternative starch-based product sama sa rice.

Ang Russia ug Ukraine kung ipunon motala sa 25 porsento sa global wheat exports.

Isip short-term solution, gisugyot ni Co nga magdaginot ug fuel ang publiko pinaagi sa carpooling, pag gamit sa public transport o pag bisikleta.

“We hope that peace talks and a ceasefire will immediately put an end to the hostilities in Ukraine. War is not the solution. We pray for the safety of those affected by that war,” panghinaut ni Co.

Gi encourage ni Co ang publiko nga manawagan sila sa mga legislators alang sa temporary reprieved pinaagi sa pag reduce sa value-added tax sa oil products sa nasud.

Bisan pa man sa sunod-sunod nga pagsaka sa presyo sa lana ning tuiga, mipasalig ang Land Transportation Franchising and Regulatory Board Central Visayas nga dili mo umento ang pletehan sa mga pampublikong sakyanan. (Jhon Tadlip)

(Source: Mandaue Chamber ug Commerce and Industry | Cebu Chamber of Commerce and Industry)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -