Hugot nga seguridad ang gipatuman sa kapulisan sa Cebu City Police Office atol sa pagbesita ni President Ferdinand “Bongbong” Marcos Jr. sa Sugbo karong adlawa, Pebrero 27,2023.
Anaa 600 ka mga police personnel lakip ang mga civilian volunters ang gipang deploy sa Siyudad sa Sugbo.
Kini ang unang higayon nga nibesita si President Marcos Jr. sukad nga napili pagka presidenti sa nakalabay nga pinili-ay.
Si President Marcos Jr. maoy nangulo sa ground breaking sa Cebu Bus Rapid Transit.
Nibesita usab kini sa Kadiwa farmers market didto sa kapitolyo sa Probinsya sa Sugbo.
Mulahos ang Presidenti didto sa South Road Properties aron sa usa ka ground breaking sa housing project.
Gihangop sa mga sugbuanon ang pagbesita sa pangulo sa Pilipinas nga nagdalag mga kaayuhan sa matag Pilipino. (Renante Lada, photo courtesy of RTVM)