Usa ka presscon ang gihimo karong Oktubre 14, 2025, aron ipasabot ang mga lakang ug update sa padayon nga tubag ug pagpabangon human sa linog nga miigo sa Amihanang bahin sa Cebu.
Gihisgutan atol sa briefing ang mga plano sa pag-ayo sa mga police station nga naapektuhan sa Daanbantayan, Medellin, ug ubang dapit sa Amihanang Cebu. Apil usab niini ang mga kalihokan sa Cebu PPO sama sa search and rescue operations, paghatag og tabang, pagdeploy sa mga pulis aron mapadayon ang kalinaw ug kahusay sa mga naapektuhang lugar.
Gipasabot usab sa hepe ang mga preventive measure aron masiguro ang kaluwasan sa publiko, ug ang psychosocial ug trauma debriefing nga gihimo para sa mga pulis nga direktang naapektuhan sa kalamidad.
Sa katapusan, gipakita sa Cebu PPO ang ilang pagkamatinud-anon ug pagpaningkamot sa serbisyo publiko, ug mipasalig nga magpadayon sila sa ilang misyon nga mag-alagad ug magpanalipod sa mga Sugboanon samtang nagpadayon ang probinsya sa pagbangon.
Source: CPPO
I via Renante Socia Lada