Gipahibalo sa Officer-In-Command sa Police Regional Office 7 (PRO-7) nga andam ug alerto ang tanang yunit sa kapulisan sa Central Visayas alang sa pagsaulog sa Bag-ong Tuig. Gipasiguro nga magpadayon ang presensya sa kapulisan 24/7 aron masiguro ang kaluwasan ug kahapsay sa tanan nga kalihokan.
Samtang nagpaabot sa kataposan sa tuig 2024, iyang gipasidunggan ang dedikasyon ug kadasig sa kapulisan sa rehiyon nga maghatag ug luwas ug malipayong selebrasyon. Gihimo usab ang tanan nga pag-andam aron masolusyonan dayon ang mga emerhensiya, lakip na ang mga insidente nga adunay kalabotan sa pabuto.
“We have implemented thorough preparations and established comprehensive security measures to ensure everyone’s safety as we welcome in 2025 with a sense of gratitude, hope, and a commitment to serve. We encourage everyone to enjoy the celebrations with their families while prioritizing safety,” segon ni PBGen Parena.
Gipadayag sa opisyal ang iyang pagsalig sa kahandam sa kapulisan sa pag-atubang sa mga insidente nga may kalabotan sa pabuto. Nagpakig-alayon kini sa ubang ahensya sa balaod ug lokal nga kagamhanan aron maghatag og tabang ug suporta sa komunidad.
Giawhag usab ang publiko nga magpabiling mabinantayon, maghimo ug mga lakang alang sa kaluwasan, ug ipahibalo dayon sa mga awtoridad ang bisan unsang kadudahang lihok. (Renante Socia Lada)
(Source: PRO-7 PIO)