Sa mando ni Presidente Ferdinand R. Marcos Jr., ang Philippine National Police (PNP) dali nga nagpalihok sa ilang pwersa aron motubag sa magnitude 6.9 nga linog nga miigo sa Cebu ug ubang bahin sa Visayas niadtong Martes sa gabii, Sept. 30, 2025.
Si Acting PNP Chief, Police Lieutenant General Jose Melencio C. Nartatez Jr., misugo sa Police Regional Office 7 nga i-activate ang Disaster Incident Management Task Group, maghimo og Rapid Damage Assessment and Needs Analysis (RDANA), ug masiguro nga kompleto ang accounting sa tanang personnel ug kagamitan. Giingon ni PLTGen Nartatez nga anaa na ang kapulisan sa mga apektadong lugar aron maghatag seguridad, motabang sa evacuation, ug masiguro ang kahapsay samtang padayon pa ang assessment sa kadaot.
Base sa unang report, naapektuhan sa linog ang sunog nga mitungha sa SM Consolacion, pagkahugno sa tunnel sa Mambaling, kadaot sa daghang establisimyento sa Cebu City, ug pagguba sa simbahan sa Daanbantayan. Nakasulay usab og brownout ang daghang lugar ug lungsod sama sa Talisay, Bogo, Danao, Toledo, ug pipila pa ka lugar sa amihanang Sugbo.
Matud pa ni PLTGen Nartatez, lig-on ang koordinasyon sa PNP uban sa NDRRMC, mga lokal nga panggamhanan, ug uban pang ahensya sa gobyerno. Andam usab ang dugang pwersa gikan sa silingang rehiyon aron mosuporta sa rescue, relief, ug recovery operations.
Nanawagan ang PNP sa katawhan nga magpabilin nga alerto, mosunod sa mga abiso sa otoridad, ug mukuha lamang og impormasyon gikan sa opisyal nga pamahayag sa gobyerno.
Source: PNP
I via Renante Socia Lada