Nagpahibalo ang Philippine Coast Guard (PCG) sa ilang kasubo sa pagkamatay sa tulo ka personahe human nalus-ag ang San Remegio Sports Complex sa San Remegio, Cebu, atol sa kusog nga linog sa gabii sa Sept. 30, 2025.
Ang mga biktima mao sila si Seaman Second Class Lawrence Palomo, Apprentice Seaman Jujay Mahusay, ug Apprentice Seaman Ert Cart Dacunes. Human sa insidente, giluwas sila ug gidala sa Bogo General Hospital, apan wala na sila makaluwas ug gipahibalo nga patay sa pag-abot sa ospital.
Matod sa PCG Commandant, Admiral Ronnie Gil L. Gavan, dako ang pasalamat sa serbisyo ug pagpaningkamot sa tulo ka biktima alang sa ilang organisasyon ug sa katawhan.
Giingon usab niya nga ang ilang dedikasyon ug panaghiusa uban sa kaubanang-uniformed personnel dili gayod malimtan.
Gipasalig sa PCG nga buhatan nila ang tanan aron masuportahan ug matabangan ang mga pamilya nga gibiyaan sa tulo ka personnel. Nagpaabot usab sila og kinasingkasing nga pakigduyog sa kasubo sa mga pamilya sa mga biktima.
Source: PCG
I via Renante Socia Lada