Gidawat uban sa Arrival Honors si Police Major General Roy B. Parena, Director sa Philippine National Police Training Institute, atol sa iyang pagbisita sa Camp Sergio Osmeña Sr. sa Cebu kagahapon Hunyo 1, 2026.
Ang maong seremonyas gipangulohan ni Acting Regional Director sa Police Regional Office 7 (PRO-7), Police Brigadier General Arnold E. Abad, uban sa mga miyembro sa Command Group ug mga key staff officers sa rehiyon.
Gihatag ang Arrival Honors isip pag-ila sa liderato ug dakong kontribusyon ni PMGEN Parena sa pagpalambo sa edukasyon, pagbansay, ug propesyonal nga paglambo sa mga pulis sa Philippine National Police.
Matud sa PRO-7, importante ang papel ni Parena sa paglig-on sa kalidad sa pagbansay sa mga kapulisan aron mas mapaayo pa ang ilang serbisyo ngadto sa katawhan.
Ang maong pagbisita nagpakita usab sa padayong paningkamot sa PNP sa pagpalig-on sa kahibalo, disiplina, ug kaandam sa mga pulis isip kabahin sa ilang misyon nga mag-alagad ug manalipod sa publiko.
I via Renante Socia Lada