Cebu City – Gipasakahan ug kasong Plunder sa 15 ka mga indibidwal nga naglakip sa mga opposition councilors sa syudad sa Lapu-Lapu ug pipila ka mga kandidato sa Team Deretso si Mayor Junard “Ahong” Chan, Lunes, Abril 25, 2022.
Lakip sa mga gipasakahan ug kaso ang mga opisyal sa City Disaster Risk Reduction and Management Office, City Treasurer’s Office, City Accountant Office.
Gilakip sab ang mga membro sa bids and awards committee, City Social Welfare and Development Office ug pipila ka mga private entities.
Gumikan kini sa giingong pagpa overprice sa syudad kalabot sa pagpalit ug sinakong bugas, solar street lights ug post ug disinfectant atol sa pandemic sa tuig 2020.
Gawas sa kasong plunder, gisang-at sab ang complaint labot sa malversation of public funds ug kalapasan sa Anti-Graft and Corrupt Practices batok sa mga respondents.
Ang complaints gisang-at sa Office of the Obudsman Visayas.
Sa gipahigayong presscon, gipasabot ni Atty. Bobit Hiyas ang ilang “cause of action”.
Lakip sa mga misang-at sa maong mga kaso sila si Atty. Jeannify Tan, Dr. Cipriano Flores, Eduardo Patalingjug, Diosaminda Hayashi, Charles Vailoces, Elias Berdin, Arsilito Pejo, Antonio Amistad, Humprey Elvira, Delano Eviota ug uban pa.
Gisuwayan ug kuha sa iyang habig si Mayor Chan kalabot sa gisang-at mga nga kaso, apan wa kini ma conctact.
Nasuta sa iyang Facebook live nga mi-respondi kini ug sunog sa usa ka establisemento sa Mepz.
Sa miaging pipila ka buwan, duna say kaso nga gisang-at batok ni Chan ug sakop sa BAC; sagad sa mga mi file kaniadto mao sab ang mga misang-at ug kaso karon. (Jhon Tadlip)
(News & photo courtesy of Atty. Bobit Hiyas Facebook account | Atty. Jeannify Tan)
