Saan nga agbaybay-a ti gobierno probinsial kadagiti kailian a makasapul ti saranay nangruna iti panawen ti krisis.
Dayoty ket kalpasan a nagibunong manen ti probinsia iti panangidaulo ni Gob. Matthew Marcos Manotoc iti tulong fianasial kadagit jeepney drivers iti Laoag City Central Terminal.
Nasurok a 250 PUV drivers and operators iti cuidad ti Laoag ti immawat iti 3,000.00 cash assistance babaen iti Metro Ilocos Norte Council a nakapaimaan ti nasao a programa iti gobierno probinsial.
Ti nasao a programa ket ‘’Aid to PUV’s in Crisis Situation’’ nga addaan iti gagem a matulungan iti biang ti transportasion a nakaro a naapektaran iti pandemia ken agtultuloy a panagngato iti presio ti langis.
Presente met ti nasao a distribution da sigud nga Provincial Economic Consultant Ferdinand Alexander ‘’Sandro’’ Marcos pakairamanan ni Vice Mayor Vicente ‘’toto’’ Lazo iti Laoag City.
Ti pannakaibunong pay laeng iti cash assistance kadagiti nagbalin a benepisio ket kas panangipakita ken pannakipagrikna pay laeng iti rigat a mapaspasaran dagiti tricycle and jeepney drivers and operators ditoy probinsia. (Rod Sadian)
(Source: Provincial Government of Ilocos Norte)