Isip pag-andam sa umaabot nga Tropical Depression Basyang, pipila ka local government units (LGUs) sa lalawigan sa Cebu ang nagpahibalo sa suspensyon sa face-to-face classes karong adlawa, Pebrero 4, 2026.
Sa Danao City, gisuspinso ang klase sa tanang lebel, lakip ang public ug private schools. Sa Carmen, parehas usab nga gisuspinso ang klase sa tanang lebel sa public ug private schools.
Sa Compostela, nagkanselar usab sa klase gikan Pre-School hangtod Senior High School, apil ang public ug private schools. Samtang sa Cordova, gisuspinso ang klase sa tanang lebel sa public schools.
Matod sa Capitol PIO, padayon pang gi-update ang maong pahibalo samtang nagpadala og anunsyo ang ubang LGUs. Giawhag ang publiko nga magpadayon sa pagmonitor sa opisyal nga pahibalo ug mag-amping tungod sa posibleng epekto sa bagyo Basyang.
Source: Cebu Province PIO
I via Renante Socia Lada