Ang Philippine Coast Guard (PCG) misalmot sa Exercise Alalayan 2025, usa ka dungan nga buhat sa daghang ahensya aron mapalig-on ang kahimtang sa seguridad sa kadagatan.
Gipahigayon ang maong ensayo sulod sa duha ka adlaw sa Mactan, Lapu-Lapu City, uban sa partisipasyon sa nagkadaiyang ahensya sa gobyerno sama sa Philippine Navy, PNP-Maritime Group, Bureau of Customs, PDEA, Bureau of Immigration, Bureau of Quarantine, ug Bureau of Fisheries and Aquatic Resources (BFAR).
Ang Exercise Alalayan usa sa mga nag-unang kalihukan sa National Maritime Center (NMC) nga gitumong sa pagpalig-on sa kahibalo ug kapasidad sa mga ahensya nga nagbantay sa kadagatan. Gipondo kini sa Expertise France ug gi-suportahan sa European Union pinaagi sa CRIMARIO II Project.
Ang Coast Guard District Central Visayas (CGDCV) adunay dakong papel sa pagpanguna sa rehiyonal nga bahin sa maong pagbansay. Gihatag nila ang ilang mga tao, gamit, ug koordinasyon para sa kalampusan sa operasyon.
Gibuhat sa ensato ang pagsulay sa ilang kaandam sa pagdakop sa mga barkong suspetsado sa illegal fishing, pakigkumbati sa ilegal nga drugas, ug uban pang smuggling.
Usa sa gipakita sa simulation mao ang pagkumpiskar sa barkong gitawag MV Nightmare Express, nga giingong nalambigit sa ilegal nga palihukan sa kadagatan ug pagpamaligya sa ilagal nga drogas.
Naggamit ang mga partisipante og IORIS platform, usa ka luwas ug neutro nga sistema alang sa pagpaambit og impormasyon sa kadagatan. Ang maong hiniusang nga buhat nakatabang sa hapsay nga komunikasyon sa tanang ahensya.
Matud sa PCG, ang kalampusan sa Exercise Alalayan nagpamatuod nga lig-on ang panaghiusa sa mga ahensya sa gobyerno batok sa krimen sa kadagatan. Nagpadayon usab sila sa pagtuki ug assessment sa ilang mga lihok aron mas mapaayo ang seguridad sa dagat, panalipod sa kinaiyahan, ug kaluwasan sa kadagatan.
Padayon ang Philippine Coast Guard sa ilang paningkamot nga maprotektahan ang kadagatan ug ang interes sa nasud.
Source: PCG
I via Renante Socia Lada
#rpndykccebu