Ang Philippine Drug Enforcement Agency sa Central Visayas (PDEA-7) magpahigayon sa unang batch sa sunog sa ginadiling droga karong Pebrero 13, 2025, sa Cosmopolitan Funeral Homes, Junquera Street, Cebu City.
Kini mahitabo human sa kapin usa ka bulan sukad masakpi ang 25 ka kilos nga shabu sa Pier 4, Cebu City, atol sa usa ka K9 inspection. Sa maong insidente, duha ka indibidwal ang nadakpan.
“With the assistance of the Office of the Prosecutor and the court, we have been working to fast-track the burning of the 25 kilos of shabu intercepted last month as an effort to ensure the speedy destruction of dangerous drugs confiscated in Central Visayas and to address the public’s concern about the proper disposition of seized illegal substances,” matod ni Dir. II Alex M. Tablate, PDEA 7 acting regional director, emphasized.
Kapin sa 16 ka kilo nga shabu nga gikan sa nagkalain-laing operasyon ug adunay court order alang sa destruksiyon ang gikatakdang sunogon. Dugang pa, gipaabot sa PDEA-7 nga maapil sa maong proseso ang 25 ka kilo nga shabu nga nasakmit kaniadtong Enero 23, 2025, kung matapos na ang ocular inspection sa korte nga nakatakda sa Pebrero 10, 2025.
Subay sa Section 21 sa Republic Act 9165 o Comprehensive Dangerous Drugs Act of 2002, human mapasaka ang kaso batok sa mga nadakpan, ang korte magpahigayon og ocular inspection sa mga nakumpiskar nga drogas ug mosugo dayon na sunugon kini.
Ang thermal decomposition, diin ang drogas tunawon pinaagi sa kainit nga moabot sa 1,000 degrees centigrade aron hingpit kining madugta, maoy pamaagi nga gigamit sa pagsunog sa mga ginadiling droga.
Mandato sa balaod nga adunay mga saksi sa maong kalihokan, lakip ang mga representante sa Department of Justice, Public Attorney’s Office, civil society, ug media, ingon man usa ka nahimong opisyal sa gobyerno, subay sa RA 9165 ug DDB Regulation No. 1, Series of 2002.
“We have always been transparent about our destruction activities, and a member of the mass media is a required witness,” pasabot ni Director Tablate.
“The activity is open to the public, but we just have to manage the attendance of other participants since we have a small venue,” dugang pa.
Kung mahatagan og mando sa korte, ang kinatibuk-ang 41 ka kilo nga shabu nga nagkantidad og P284 milyon sunugon pinaagi sa thermal destruction karong sunod semana.
Source: PDEA-7
I via Renante Socia Lada
#rpndykccebu
#675hzamband
#mrpublicservice