Usa ka insidente ang nahitabo sa Negros Oriental, diin usa ka 12-anyos nga Grade 7 nga estudyante ang nagdala ug .45 caliber nga pistola ug nakapabuto niini sulod sa ilang classroom, kagahapin, Pebrero 6, 2025. Walay nasamdan sa maong panghitabo.
Ang bata gituohan nga nakuha ang armas gikan sa usa ka paryente nga wala’y pagtugot. Ang mga awtoridad nagpadayon sa imbestigasyon aron masuta kung giunsa niya pagkuha ang armas ug kung adunay bay pagpabaya sa bahin sa mga ginikanan.
Ang eskuylahan, pinaagi sa principal niini, nihimakak nga adunay “indiscriminate firing” nga nahitabo, apan giila nga adunay estudyante nga nagdala ug pusil ug kini gi-imbestigahan na. Ang mga maong panghitabo gi-proseso na ug gihatagan ug atensyon aron masiguro ang kaluwasan sa tanan nga estudyante, magtutudlo, ug staff.
Ang insidente naghatag ug dakong kabalaka bahin sa seguridad sa mga eskuylahan ug ang responsibilidad sa mga ginikanan sa pag-monitor sa ilang mga anak aron malikayan ang susamang mga panghitabo sa umaabot.
I via Renante Socia Lada