Nitumaw karon sa inbestigasyon sa kapulisan sa Cebu City Police Office, Station 7, na panaglalis sa kita sa parkingan maoy posibli na motibo sa pagpusil patay sa usa ka Senior Citizen.
Didto sa Sitio Cabancalan 2, Barangay Bulacao, dakbayan sa Sugbo, kagahapon pasado alas 10:00 sa buntag, Pebrero 22, 2024.
Ang biktima mao si Juan Ordañeza, 63 anyos ang panuigon, residenti rapud sa maong lugar, usa ka care taker.
Ang suspetsado naila sa alyas na Perot, hingkod ang panuigon, taga didto rapud sa maong dapit.
Matod pa wala nagkasinabot ang biktima ug ang suspetsado sa kita sa parkingan na maoy nakapainit sa mamauno na buhaton ang krimin.
Sa pagkakaron padayon ang hot pursuit operation sa kapulisan aron pagsikop sa suspetsado na daling nisibat human niya nabuhat ang krimin. (Renante Lada, photo credits to the owner)